Մադլենա Թերզյան

Ճամբարային շաբաթվա վերջին օրն աչքի ընկավ իր բազմազբաղությամբ։ Եղանք Մայր դպրոցի մարմնամարզության սրահում, որտեղ մարզիչ ընկեր Արմանի հետ վարժություններ արեցին ու թռվռացինք բատուտի վրա։

Մարզասրահից վերադարձանք, ճաշեցինք, ապա տեխնոլոգիայի դասավանդող ընկեր Նարեկի հետ պատրաստեցինք գիպսե մոմկալներ ու ներկեցինք։

Միջավայրի խնամքն իրականացնելուց հետո՝ սկսեցինք թափ տալ դպրոցի բակի ծիրանները։

https://www.youtube.com/embed/YiM0AQhGOpc?version=3&rel=1&showsearch=0&showinfo=1&iv_load_policy=1&fs=1&hl=ru&autohide=2&wmode=transparent
Ապա ձիավարություն իրականացրեցինք ուսումնական ագարակում։

Լողում ենք։

Օրը սկսեցինք լողափի ու դպրոցի տարածքի մաքրությամբ ու խնամքով։ Մեզ միացավ շատ սիրելի տիկին Արևը, ով ջրեց լողափի խիճը։

Նախաճաշից հետո այցելեցինք Մայր դպրոցի ձյուդոյի մարզասրահ, որտեղ ընկեր Նարեկն ու այդ մարզաձևով զբաղվող երեխաները ներկայացրեցին ձյուդոյի կարևորությունն ու օգտակարությունը, որպես մարզաձև։

Ու, կրկին, լող՝ սիրելի լողավազանում։

Օրը սկսեցինք միջավայրի խնամքով, որց հետո մեզ միացավ ընկեր Աչերն ու առավոտյան ընդհանուր պարապմունք ու երգուսուցում իրականացրեցինք։

Ապա գնացինք ուսումնական ագարակ, ջրեցինք ու խնամեցինք ծաղկանոցն ու լող ունեցանք։

Օրն ամփոփեցինք Շունն ու գայլը ֆիլմի դիտմամբ։

Մեկնարկեց ամառային ճամբարի առաջին օրը։ Երեխաները մեծ սպասումով ու ոգևորությամբ էին եկել ճամբար։ Ճամբարային խմբում ունենք և՛ կրթահամալիրի սովորողներ, և՛ այլ դպրոցներ հաճախող երեխաներ։ Վերջիններիս շատ հետքրքիր էր մեր դպրոցը, տարածքը, դասասենյակները: Շրջայց ունեցանք դպրոցով, ուսումնական ագարակով, ապա միջավայրի խնամք իրականացրեցինք, որից հետո էլ՝ առավոտյան ընդհանուր պարապմունք։