Մասնակիցներ՝ 1-ին դասարանի սովորողներ ( մեծահասակների աջակցությամբ՝ ըստ անհրաժեշտության)
Համագործակցություն Արմինե Գյոնջյանի հետ
Ձեռագործ-ստեղծագործական համագործակցային նախագիծ
Նպատակ
- Զարգացնել երեխաների մատորիկ կարողությունները և ստեղծագործական մտածողությունը
- Իրական կյանքում կիրառելի արդյունք ստեղծելու միջոցով բարձրացնել ինքնագնահատականը
- Ուսուցանել համագործակցություն, համբերություն և նուրբ աշխատանքի հմտություններ
- Զբաղվել արվեստով՝ կտորի ներկերով ստեղծելով ինքնատիպ պատկերներ
Նախագծի փուլերը
1. Նախապատրաստական փուլ
- Նախապես կտրվեն պարզ ձևվածքով ուսապարկերի կարի նմուշներ
- Պատրաստվում են կտորի հատուկ ներկեր, վրձիններ, նախշերի օրինակներ։
2. Կարելու փուլ
- Ուսուցիչների աջակցությամբ՝ սովորողները սովորում են, թե ինչպես կարել /կարի մեքենայով/ ուսապարկի հատվածները՝ պարզ ուղղահայաց կարերով։
3. Դիզայնի և նկարազարդման փուլ
- Յուրաքանչյուր երեխա սկսում է էսքիզներ գծել ուսապարկի համար։
- Օգտագործելով կտորի ներկեր և վրձիններ՝ երեխաները նկարում են այդ պատկերները ուսապարկի արտաքին հատվածին։
- Կարող են նաև նախապես պատրաստված շաբլոններ օգտագործել։
4. Անվանում և ներկայացում
- Յուրաքանչյուր երեխա տալիս է իր ուսապարկին անուն կամ բացատրում՝ ինչ է պատկերել։
- Կարող է կազմակերպվել փոքր ցուցադրություն կամ շքերթ՝ երեխաները կրում են իրենց ուսապարկերը և պատմում իրենց ստեղծագործության մասին։
Ակնկալվող արդյունքներ
- Երեխաները կունենան իրենց ձեռքով պատրաստված և ձևավորված ուսապարկ՝ յուրահատուկ և անձնական։
- Կզարգանան պատկերավորման կարողությունը և համբերությունը։
- Նախագիծը կզարգացնի հպարտության և հաջողության զգացումը՝ «Ես ինքս եմ պատրաստել» սկզբունքով։
Մադլենա Թերզյան 