Category: Մուտքի ճամբար

Ահա և ավարտվեց մանկավարժական ճամբարի հագեցած ու շատ սիրելի դարձած օրերը: Մեկ շաբաթվա ընթացքում ճամբարը մեզ այնքան փորձ ու գիտելիք տվեց, որքան չէինք ստացել ամբողջ կյանքի ընթացքում: Մենք ծանոթացանք մեր ժողովրդական օպերային, նրա ակունքներին, տարբեր ծեսերին, պարերին, խաղերին, երգ ու երաժշտությանը:

Ինչպես գիտենք ժողովրդական խաղերը, երգն ու պարը ստացել են երաժշտա-թատերական ներկայացման բնույթ՝ սյուժետային զարգացմամբ և մասսայական տեսարաններով: Այդպիսիններից է ազգային <<Ժնջիլ ժնջիլ>> խաղը:

Խաղի հետ նաև երգեցինք Լորիկ, Ծառս ծաղկեցավ, երգերը, երգեցինք և պարեցինք Հալել եմ եղը , յար ջան ազգային պարերգը: Պարեցինք պարեր, ինչպիսիք են Բուլուլը և Շամ քելեցի, դամ քելեցին:

Կարելի էր անվերջ երգել ու պարել, սակայն մեզ սպասվում էր աշխատանք ագարակում: Ագարակը գտնվում էր արևմտյան դպրոցի կողքին: Քաղաքի մեջ քաղաքի աղմուկից ու հոգսերից կտրված մի վայր: Այնտեղի աշխատակիցները ջանք ու եռանդ չէին խնայում կենդանիների մաքրության և հարմարավետության համար: Մենք նույնպես փորձեցինք խնամել և լողացնել կենդանիներին, մաքրել հարակից տարացքը: Չնայած այս դժվարին աշխատանքին, ես պատրաստ եմ անվերջ լինել այդ մաքուր ու հավատարիմ կենդանիների կողքին:

Ճամբարում մենք հանձնեցինք նաև լողի և հեծանվավարության ստուգարքներ: Մի քիչ վախեցանք, բայց լավ մանկացանք: Ունեցանք նաև մարմնամարզության դասեր: Իմացանք ՝ ինչպես կարելի է անվտանգ մարզել երեխաներին: Սովորեցինք շախմատային մինիմալ կանոններ:

Կրթահամալիրում կար նաև շատ գեղեցիկ բուսաբուծության լաբորատորիա, որտեղ մշակում են տարբեր տեսակի բույսեր, պատրաստում են նորաոճ թաղարներ, խնամում և բազմացնում կենդանիներ: Մեզ հնարավորություն տրվեց կավով պատրաստել փոքրիկ քանդակներ, ծանոթանալ սովորողների և դասավանդողների ձեռքի աշխատանքների հետ:

Ճամբարային օրերին մենք ծանոթացանք նաև այնպիսի մասնագետների հետ ինչպիսիք են Մարիետ Սիմոնյանը և Գևորգ Հակոբյանը: Նրանց հետ ունեցարք զրույցներ լեզվագործունեության և մանկավարժության մասին,որոնք էլ մեզ կոգնեն ամբողջ կյանքում:

Շատ շնորհակալ եմ կրթահամալիրի տնօրեն Աշոտ Բլեյանից, ճամբարի կազմակերպիչներից և արդեն հարազատ դարձած Տաթև Բլեյանից՝ մեզ նման հնարավորություն տալու համար:

Մանկավարժական ճամբար. առաջին օր

Մանկավարժական ճանբար. Երկրորդ օր

Փոքրիկ առակներ: Կարել Չապեկ

Մանկավարժական ճամբար. Երրորդ օր

Կրթական ծրագիր

Արատեսյան հուշեր

 

Արդեն երրորդ օրն է, ինչ կրթահամալիրում շարունակվում է մանկավարժական ճամբարը, բայց մենք չենք դաթարում հիանալ ու զարմանալ սովորողների մտքի ճկունության վրա: Արաջին անգամ այցելեցինք քանդակագործության արհեստանոց, որտեղ ներկայացված էին տարբեր աշխատանքներ: ՈՒղղակի ապշում եմ, երբ տեսնում եմ, թե ուր կարող է հասնել երրորդ կամ չորորդ դասարանի երեխայի մտքի թռիչքը:

Մխիթար Սեբաստացի կրթահամալիրը կարծես բացահայտումների մի անվերջանալի կծիկ լինի: Օր օրի մենք բացահայտեւմ ենք մի նոր աշխարհ: Մի աշխարհ, որտեղ ամեն ինչ չափազանց պարզ է ու բնական:

Կրթահամալիրը ունի ագարակ, որտեղ խնամում են կենդանիներին: Այստեղ կա մի հրաշալի էներգետիկա, այստեղ բնության ու կենդանիների խաղաղությունը մեզ է փոխանցվում:

Կրթահամալիրում շատ կարևորում են ազգային երգն ու պարը, ազգային ծեսերն ու խաղերը, որն էլ, վստահ եմ, մեծ դեր ունի ապագա սերունդների դաստիարակության մեջ:

Դասավանդողները նաև անցնում են շախմատի դասեր, որը զարգացնում է երեխաների հիշողությունը, տրամաբանությունը և արագ կողմնորոշվելու ունակությունը:

Մեծ պատիվ ունեցանք ծանոթանալ և զրուցել կրթահամալիրի փողտնորեն Գևորգ Հակոբյանի հետ: Խոսեցինք մանկավարժությունից: Փորձեցինք գտնել սովորողի համար կրթությունը ավելի սիրելի և հասանելի դարձնելու լուծումներ:

Մխիթար Սեբաստացի կրթահամալիրը իրականացնում է մանկավարժական ճամբար ՝ կրթահամալիրում աշխատելու հայտ ներկայացրած մասնագետների հետ: Ճամբարում առաջին օրը մենք կատարեցինք ազգային պարերգեր, ծանոթացանք ազգային խաղերին ու պարերին, որի պատասխանատուն էր Մարինե Մկրտչյանը:

Մարիետ Սիմոնյանի հետ զրուցեցինք հայոց լեզուն ճիշտ և գրագետ գրելու և խոսելու կարևորության մասին: Զրուցեցինք ինչպես սովորողի, այնպես էլ դասավանդողի երևակայության մասին: Ստեղծականության և լեզվագործունեության մասին:

Այնուհետև պարտեզապուրակային աշխատանքներ կատարեցինք բուսաբուծության լաբորատորիայում, որի պատասխանատուն էր Շողիկ Պողոսյանը: Այնտեղ մենք բացահայտեցինք մի նոր բուսական աշխարհ, հասկացանք նրանց կարևորությունն ու նշանակությունը: Սովորեցինք խնամել ու սիրել նրանց:

Օրը եզրափակվեց մարմնամարզության պարապունքով, որտեղ մեզ տանջալի, բայց միևնույն ժամանակ շատ հաճելի վարժություններ էին սպասվում: Ծրագրի պատասխանատու Նաիրա Հարությունյանը մեզ սովորեցրեց այնպիսի վարժություննոր, որոնք կկարողանանք կիրառել երեխաների հետ: